«У нашых партах каля 80 заблякаваных замежных караблёў разам з экіпажамі. Некаторыя зь іх эвакуаваліся на пачатку, іншых замянілі ўкраінскія маракі. Бо карабель нельга пакідаць без кантролю. На гэтых караблях застаецца тавар, але яны ня могуць выйсьці з партоў», — паведаміў намесьнік кіраўніка Адміністрацыі марскіх партоў Украіны Дзьмітро Барынаў 27 чэрвеня на брыфінгу ў Кіеве празь відэасувязь.
Паводле яго, у траўні праз парты на Дунайскім кірунку адгрузілі 1,3 мільёна тон прадукцыі на экспарт.
«У чэрвені спрабуем павялічыць да 1,5 мільёна тон адгрузак», — удакладніў ён.
ГЛЯДЗІЦЕ ТАКСАМА: Белы дом назваў прыярытэтамі вайсковую дапамогу Ўкраіне і праблему экспарту яе збожжаДзьмітро Барынаў дадаў, што раней праз украінскія парты адпраўлялася да 5 мільёнаў тон экспартных грузаў штомесяц.
«Цяпер менш за траціну даваенных аб’ёмаў. Нельга параўноўваць марскія парты і парты Дунаю», — дадаў прадстаўнік Адміністрацыі марскіх партоў Украіны.
ГЛЯДЗІЦЕ ТАКСАМА: У якіх маштабах Расея вывозіць украінскае збожжа з акупаваных тэрыторыяў ГЛЯДЗІЦЕ ТАКСАМА: Украіна пачала ў абыход Беларусі пастаўляць збожжа ў Эўропу