HIMARS have arrived to Ukraine.Thank you to my 🇺🇲 colleague and friend @SecDef Lloyd J. Austin III for these powerful tools!Summer will be hot for russian occupiers. And the last one for some of them. pic.twitter.com/BTmwadthpp
— Oleksii Reznikov (@oleksiireznikov) June 23, 2022
HIMARS могуць паражаць цэлі на адлегласьці да 80 кілямэтраў, што больш, чым радыюс дзеяньня расейскіх сыстэм залпавага агню.
ЗША абвясьцілі аб пастаўцы чатырох сыстэм, абмяркоўваецца плян перадаць яшчэ чатыры.
Украінскія вайскоўцы прайшлі навучаньне, як карыстацца сыстэмамі HIMARS. Акрамя таго, ЗША абяцалі перадаваць Украіне выведную інфармацыю для нанясеньня ўдараў пры дапамозе рэактыўных сыстэм залпавага агню.
ГЛЯДЗІЦЕ ТАКСАМА: ЗША перададуць Украіне выведныя дадзеныя для нанясеньня ўдараў сыстэмамі залпавага агнюТым часам амбасадар Украіны ў Нямеччыне Андрэй Мельнік паведаміў, што Ўкраіна заключыла зь нямецкім вытворцам кантракт на пастаўку сучаснай сыстэмы СПА IRIS-T.
«Я ганаруся тым, што мне і нашай камандзе ўдалося пераадолець шалёны палітычны супраціў і ў цесным закулісным узаемадзеяньні з вытворцам — кампаніяй Diehl Defence — дабіцца заключэньня кантракту на закуп першай такой сыстэмы коштам 178 млн эўра, прычым на сродкі нямецкага ўраду», — сказаў Мельнік.
Мадэрнізаваныя ракеты IRIS-T SL клясы «зямля-паветра» былі распрацаваныя для Бундэсвэру і дапушчаныя да выкарыстаньня ім у 2017 годзе.
ГЛЯДЗІЦЕ ТАКСАМА: Нямеччына перадала Ўкраіне самаходныя гаўбіцы