У Бэрліне аўтамабіль заехаў у натоўп, ёсьць ахвяры

Месца здарэньня

У Бэрліне аўтамабіль зь невядомай пакуль прычыны ўехаў у групу людзей, адзін чалавек загінуў, восем параненыя, паведаміла радыёстанцыя RBB.

Інцыдэнт адбыўся на ажыўленай вуліцы Ранкештрасэ ў раёне Шарлётэнбург на захадзе Бэрліна, аўтамабіль заехаў у вітрыну крамы. Па розных зьвестках, пацярпелі ад 8 да 30 чалавек, некаторыя атрымалі цяжкія траўмы.

Паліцыя Бэрліна не выключыла наўмыснага наезду на людзей у Бэрліне, абставіны вывучаюцца, вынікае з заявы паліцыі, разьмешчанай у Twitter.

Прадстаўнік паліцыі паведаміў RBB, што кіроўцу, які накіраваў аўтамабіль у натоўп людзей, затрымалі. Гэтую інфармацыю пацьвярджае Reuters. Да гэтага часу незразумела, наўмысна ці выпадкова ён наехаў на людзей.

На месцы дзяжурыць пажарная каманда з 60 чалавек.

На гэтай жа вуліцы ў канцы 2016 года адбыўся тэракт — грузавік з польскімі рэгістрацыйнымі нумарамі ўехаў у натоўп на калядным кірмашы. Ахвярамі сталі мінімум 12 чалавек, яшчэ каля 50 атрымалі раненьні.

ГЛЯДЗІЦЕ ТАКСАМА: Расея перадала Ўкраіне 210 загінулых абаронцаў Марыюпалю