Праз абвінавачваньне ў «зьліве» зьвестак сілавікоў затрымалі адвакатку
Сёньня на праўладных тэлеграм-каналах выйшла «пакаяльнае» відэа з адвакаткай юрыдычнай кансультацыі № 2 Маскоўскага раёну Менску Настасьсяй Лазарэнкай. На відэа бачна, што сілавікі прыехалі затрымліваць жанчыну з аўтаматамі і ў бронекамізэльках — яны залезьлі ў вокны і выламалі дзьверы.
У допісе сьцьвярджаецца, што на яе заведзеная крымінальная справа паводле ч. 3 артыкулу 130 Крымінальнага кодэксу (распальваньне варожасьці). Артыкул прадугледжвае да 12 гадоў пазбаўленьня волі.
СК: жыхар Віцебску скапіяваў з сыстэмы дадзеныя амаль 1,5 мільёна беларусаў і скінуў іх «экстрэмістам»
Сьледчы камітэт Беларусі сьцьвярджае, што 35-гадовы работнік разьлікова-касавага цэнтру ў Віцебску разьмяшчаў у «экстрэмісцкіх» Telegram-каналах інфармацыю аб прыватным жыцьці і пэрсанальных дадзеных праваахоўнікаў, службовых асобаў і іх сваякоў, адміністраваў «экстрэмісцкі» Telegram-канал, а таксама нібыта заклікаў да актыўнага ўдзелу ў масавых беспарадках.
Яму выставілі абвінавачаньне паводле 6 артыкулаў Крымінальнага кодэксу Беларусі: у незаконных дзеяньнях у дачыненьні да пэрсанальных дадзеных (ч. 3 арт. 203-1), падрыхтоўцы людзей да ўдзелу ў дзеяньнях, якія груба парушаюць грамадзкі парадак (ч. 2 арт. 342), публічнай абразе Аляксандра Лукашэнкі (ч. 1 арт. 368), прадстаўніка ўлады (арт. 369), кіраваньні «экстрэмісцкім фармаваньнем» (ч. 1 арт. 361-1) і навучаньні людзей для ўдзелу ў масавых беспарадках (ч. 3 арт. 293).
Матэрыялы справы перадалі пракурору для накіраваньня ў суд.
ГЛЯДЗІЦЕ ТАКСАМА: Хроніка перасьледу 1 чэрвеня: 4,5 года калёніі за дапамогу ўцекачам ад перасьледу; 3 гады «хатняй хіміі» за ўдзел у пратэстахВынесены чарговы прысуд за абразу Лукашэнкі
3 чэрвеня ў судзе Фрунзенскага раёну Менску два гады «хатняй хіміі» прысудзілі Ніне Майтак. Судзьдзя Юлія Блізьнюк прызнала яе вінаватай паводле ч. 1 арт. 368 Крымінальнага кодэксу — за абразу Лукашэнкі. Падрабязнасьці суду пакуль невядомыя, паведамляе праваабарончы цэнтар «Вясна».