Губэрнатар Тэхасу Грэг Эбат заявіў, што стралка, 18-гадовага Сальвадора Рамаса, забілі праваахоўныя органы. Эстрада пацьвердзіў, што гэта так, піша CNN.
Стралок перад візытам у школу стрэліў у сваю бабулю, яна ў цяжкім стане ў шпіталі. Сэнатар штата Роланд Гут’ерэс сказаў, што жанчыну даставілі ў Сан-Антоніё і лекары змагаюцца за яе жыцьцё.
Паводле дадзеных некамэрцыйнай арганізацыі Gun Violence Archive, у 2022 годзе адбылося ня менш за 212 масавых расстрэлаў. І гэта за 144 дні году.
ГЛЯДЗІЦЕ ТАКСАМА: Страляніна ў супэрмаркеце амэрыканскага Бафала: загінулі ня менш за 10 чалавек«Мне гэта надакучыла. Трэба дзейнічаць. І не кажыце, што мы ня можам паўплываць на гэтую бойню», — сказаў прэзыдэнт ЗША Джо Байдэн, спытаўшы: «Чаму мы дапускаем гэта? Дзе, у імя Бога, наш хрыбет, каб мець мужнасьць мець справу з лобі і супрацьстаяць?».
Выказаўся і колішні прэзыдэнт ЗША Барак Абама. Ён заявіў, што цяперашняя трагедыя ёсьць вынікам збройнага лобі рэспубліканцаў, якому доўгі час ня хочуць пакласьці канец.
Фота дзьвюх вінтовак AR15 зьявілася на старонцы будучага забойцы ў Instagram, яшчэ за тры дні да страляніны.
ГЛЯДЗІЦЕ ТАКСАМА: Страляніна ў дзіцячым садку ў РасеіБылы аднаклясьнік школьнага стралка Сальвадора Рамаса сказаў, што за некалькі дзён да нападу той адправіў яму фатаздымкі агнястрэльнай зброі і торбы, поўнай патронаў. Рамас працаваў ва ўстанове грамадзкага харчаваньня Wendy’s і, паводле калег, быў маўклівым чалавекам.
Урад Мэксыкі аказвае консульскую дапамогу пасьля трагедыі ў школе. Увальдэ, дзе адбылася страляніна, знаходзіцца за 80 км ад мяжы ЗША і Мэксікі. У Мэхіка падазраюць, што сярод ахвяр ёсьць мэксыканскія грамадзяне.
ГЛЯДЗІЦЕ ТАКСАМА: У Нью-Ёрку арыштавалі падазраванага ў стральбе па пасажырах у гарадзкім мэтро