Такім чынам амэрыканскі кінарэжысэр, сцэнарыст і прадусар Эрні Барбараш у абвешчаны праваабаронцамі Дзень салідарнасьці з палітвязьнямі падтрымаў усіх, хто цяпер знаходзіцца за кратамі ў Беларусі па палітычных матывах.
🧵In honor of May 21 being Day of the Political Prisoner in Belarus I created an image I call “BELARUS BASTILLE” - it’s a mosaic of Jean-Pierre Houel’s “The Storming of the Bastille” made of photos of the 1204* political prisoners behind bars in Belarus today #standwithbelarus pic.twitter.com/i87KddOdU9
— Ernie Barbarash (@erniebarbarash) May 21, 2022
«У гонар Дня палітвязьня ў Беларусі я стварыў вобраз пад назвай „Беларуская Бастылія“ — мазаіку „Узяцьце Бастыліі“ Жана-П’ера Уэля, складзеную з фатаздымкаў 1204 палітвязьняў, якія цяпер знаходзяцца за кратамі ў Беларусі», — напісаў Эрні Барбараш у Twitter.
Беларускія праваабаронцы аб’явілі 21 траўня Днём палітвязьня ў Беларусі. У гэты дзень год таму ў шклоўскай калёніі № 17 пры нявысьветленых абставінах памёр палітвязень Вітольд Ашурак.
У сувязі з палітычнай сытуацыяй у Беларусі з 1 ліпеня 2020 году статус палітычнага вязьня атрымалі 1 452 чалавекі, частка зь іх ужо выйшла на волю, паводле зьвестак на 21 траўня ў Беларусі 1204 палітычныя зьняволеныя. Гэта беспрэцэндэнтная сытуацыя ў гісторыі Беларусі. Праваабаронцы патрабуюць вызваленьня палітвязьняў і спыненьня палітычных рэпрэсій.
ГЛЯДЗІЦЕ ТАКСАМА: У Дзень палітвязьня замежныя дыпляматы і палітыкі пішуць лісты беларускім палітвязьням і выказваюць ім сваю падтрымку ГЛЯДЗІЦЕ ТАКСАМА: Год безь Вітольда Ашурка. Пытаньні і адказы