Генэральны сакратар NATO Енс Столтэнбэрг заклікаў чальцоў Альянсу працягваць і нават нарошчваць вайсковую падтрымку Ўкраіны
Пра гэта ён сказаў у кулюарах сустрэчы дыпляматаў краінаў NATO ў Бэрліне.
«Украіна здольная перамагчы ў гэтай вайне. Украінцы добра абараняюць сваю зямлю», — сказаў Столтэнбэрґ.
Ён дадаў, што, паводле яго ацэнак, расейскі напад на Ўкраіну разьвіваецца ня так, як плянаваў Крэмль.
«У іх не атрымалася ўзяць Кіеў. Яны адыходзяць ад Харкава, а іх маштабны наступ на Данбасе прыпыніўся», — сказаў Столтэнбэрг.
ГЛЯДЗІЦЕ ТАКСАМА: NATO дапаможа Ўкраіне перайсьці ад зброі савецкіх часоў да сучаснайСёньня восемдзесят першы дзень з пачатку расейскага ўварваньня ва Ўкраіну. Зараз, паводле інфармацыі Генштабу ўзброеных сілаў Украіны, расейскія войскі спрабуюць усталяваць поўны кантроль над тэрыторыяй Данецкай, Луганскай, Херсонскай абласьцей і замацаваць сухапутны калідор з часова акупаваным Крымам.