Улады кажуць, што ўзброены падлетак у тактычным рыштунку адкрыў агонь у ажыўленым супэрмаркеце ў населеным пераважна цёмнаскурымі людзьмі квартале Бафала ў суботу, 14 траўня, забіўшы 10 чалавек і параніўшы трох іншых, піша usatoday.
Чыноўнікі заявілі, што падазраваны — белы 18-гадовы мужчына, ехаў некалькі гадзін па штаце Нью-Ёрк, каб зьдзейсьніць гэты напад, які ён вёў у жывым этэры ў сацыяльных сетках. 11 з 13 застрэленых былі чорнымі, заявіў на прэс-канфэрэнцыі камісар паліцыі Бафала Джозэф Грамалья.
Губэрнатар Кэці Хочул назвала ўзброенага чалавека «прыхільнікам белай расы», які ўчыніў тэракт у другім па велічыні горадзе штату Нью-Ёрк без ваганьняў, пакуль людзі куплялі прадукты.
Падазраваны — Пэйтан Гендран з Конкліна, прыкладна ў 200 мілях на паўднёвы ўсход ад Бафала. Яго затрымалі на месцы і ўзялі пад варту пасьля нападу.
ГЛЯДЗІЦЕ ТАКСАМА: Страляніна ў дзіцячым садку ў Расеі ГЛЯДЗІЦЕ ТАКСАМА: У Нью-Ёрку арыштавалі падазраванага ў стральбе па пасажырах у гарадзкім мэтро