У Беларусі павялічылі тарыфы на перавозкі пасажыраў цягнікамі гарадзкіх, рэгіянальных і міжрэгіянальных лініяў.
Адпаведную пастанову прыняло Міністэрства антыманапольнага рэгуляваньня і гандлю.
Тарыфы на перавозкі пасажыраў чыгуначным транспартам агульнага карыстаньня на гарадзкіх лініях павялічаны:
- на 24 капейкі ў межах аднаго тарыфнага поясу (напрыклад, на кірунку Менск — Гарадзішча);
- на 31 капейку ў межах двух тарыфных паясоў (напрыклад, на кірунку Менск — Чырвоны Сьцяг).
Што да цягнікоў рэгіянальных ліній, то квіток зь Менску ў Маладэчна падаражэе на 41 капейку.
ГЛЯДЗІЦЕ ТАКСАМА: Пасажырскі цягнік зь Менску ў анэксаваны Крым запусьцяць у траўніКвіткі на цягнікі міжрэгіянальных ліній стануць даражэйшымі як у эканом-клясе, так і ў бізнэс-клясе. Прыкладам, паездка ў першай клясе зь Менску ў Гомель стане даражэйшай на 4,44 рубля.
Рашэньне, як паведамляецца, прынята ў рамках заплянаванага павышэньня рэгуляваных цэн і тарыфаў у 2022 годзе «ў мэтах падтрыманьня ўзроўню акупнасьці перавозак пасажыраў чыгуначным транспартам».
Пастанова ўступае ў сілу праз 5 дзён пасьля яе афіцыйнага апублікаваньня.
ГЛЯДЗІЦЕ ТАКСАМА: Намесьнік кіраўніка СК пра «рэйкавых партызанаў»: «Не адбыліся ў жыцьці, слабая псыхіка»