Урад Беларусі апублікаваў пералік замежных дзяржаваў, якія робяць «недружалюбныя дзеяньні ў адносінах да беларускіх юрыдычных або фізычных асобаў».
Адпаведная пастанова ад 6 красавіка 2022 году № 209 зьявілася на Нацыянальным прававым інтэрнэт-партале і набыла моц з дня яе апублікаваньня.
У пералік увайшлі:
- усе краіны Эўразьвязу,
- Альбанія,
- Аўстралія,
- Вялікая Брытанія,
- ЗША,
- Ісьляндыя,
- Канада,
- Ліхтэнштэйн,
- Нарвэгія,
- Новая Зэляндыя,
- Паўночная Македонія,
- Чарнагорыя,
- Швайцарыя.
7 красавіка Беларусь усьлед за Расеяй заявіла, што будзе расплачвацца зь «недружалюбным» замежнымі крэдыторамі ў нацыянальнай валюце: пазыкі перад Эўрапейскім банкам рэканструкцыі і разьвіцьця, Паўночным інвэстыцыйным банкам і Міжнародным банкам рэканструкцыі і разьвіцьця будуць выплочваць у беларускіх рублях на спэцыяльныя рахункі ў «Беларусбанку».
У гэты ж дзень Аляксандар Лукашэнка падпісаў указ № 137 «Аб выканаўчых дакумэнтах», які забараняе плацяжы на карысьць рэзыдэнтаў «недружалюбных» дзяржаў.
ГЛЯДЗІЦЕ ТАКСАМА: Усьлед за Расеяй Беларусь заявіла, што будзе расплачвацца з замежнымі крэдыторамі ў нацыянальнай валюце ГЛЯДЗІЦЕ ТАКСАМА: Лукашэнка падпісаў указ, які забараняе прымусовыя плацяжы на карысьць рэзыдэнтаў «недружалюбных» дзяржаў