Генэральны штаб Узброеных сіл Украіны заявіў, што Расея ажыцьцяўляе набор сілавікоў, пракурораў і судзьдзяў для накіраваньня іх на тэрыторыю Ўкраіны для фармаваньня акупацыйных органаў улады.
Асобна, паводле інфармацыі ўкраінскага Генштабу, шэраг падразьдзяленьняў спэцслужбаў Расеі задзейнічаныя для правядзеньня «тлумачальнай» працы сярод мясцовых жыхароў Херсонскай вобласьці аб неабходнасьці стварэньня чарговай псэўдарэспублікі. Гэтая праца суправаджаецца дэманстрацыяй інфармацыйных сюжэтаў з падстаўнымі асобамі.
Генштаб таксама паведаміў аб актывізацыі перамяшчэньня на тэрыторыі Беларусі расейскіх войскаў. «Імаверна, (гэта адбываецца) з мэтай перагрупоўкі падразьдзяленьняў, а таксама стварэньня рэзэрву для папаўненьня страт у жывой сіле, узбраеньні і тэхніцы.
«На тэрыторыях Кіеўскай вобласьці, якія пакінуў вораг, фіксуюцца выпадкі мінаваньня тэрыторый і дамоў мясцовых жыхароў», — адзначыў Генштаб.
ГЛЯДЗІЦЕ ТАКСАМА: Абстрэлы Луганшчыны, адвод расейскіх войскаў ад ЧАЭС, гуманітарны калідор для Марыюпалю. 36-ы дзень вайны Расеі супраць Украіны