Ён зьвярнуў увагу на разыходжаньні ў падыходах: Украіна патрабуе спыненьня агню, гарантыяў бясьпекі і адхіляе любыя кампрамісы наконт тэрытарыяльнай цэласнасьці.
«Але Расея трымаецца за ўльтыматумы. Каб заахвоціць больш канструктыўны падыход, нам патрэбныя дзьве рэчы: больш санкцыяў і больш вайсковай дапамогі Ўкраіне», — заявіў кіраўнік МЗС у сваім акаўнце ў Twitter.
No consensus in negotiations yet. Ukraine’s position is clear: ceasefire, security guarantees, no compromises on territorial integrity. But Russia sticks to ultimatums. To stimulate a more constructive approach we need two things: more sanctions and more military aid for Ukraine.
— Dmytro Kuleba (@DmytroKuleba) March 25, 2022
Раней сёньня прадстаўнікі Ўкраіны і Расеі абверглі словы прэзыдэнта Турэччыны Рэджэпа Таіпа Эрдагана пра блізкасьць кампрамісу на расейска-ўкраінскіх перамовах.
ГЛЯДЗІЦЕ ТАКСАМА: Украіна і РФ адмаўляюць словы Эрдагана аб кампрамісе на перамовах25 сакавіка прэзыдэнт Турэччыны Рэджэп Таіп Эрдаган заявіў, што Ўкраіна гатовая пагадзіцца з чатырма з шасьці патрабаваньняў Расеі, у тым ліку аб адмове ад сяброўства ў NATO і аб прызнаньні расейскай мовы другой дзяржаўнай.
- Пасьля расейскага нападу, які пачаўся 24 лютага, ва Ўкраіне ўвялі ваеннае становішча і абвясьцілі ўсеагульную мабілізацыю.
- Краіны Захаду ўводзяць моцныя эканамічныя санкцыі супраць Расеі і працягваюць пастаўляць зброю Ўкраіне.
- Аднак на просьбу вышэйшага кіраўніцтва краіны «закрыць неба» над Украінай NATO і асабіста кіраўнікі большасьці заходніх краінаў адмовіліся, заявіўшы, што не жадаюць уцягваць альянс у вайну з Расеяй.