Пра гэта паведамляе служба камунікацыі аддзелу зьнешніх царкоўных сувязяў Маскоўскага патрыярхату. Галава рымска-каталіцкай царквы размаўляў з Кірылам пры дапамозе сродкаў аддаленай сувязі.
Пра гутарку патрыярха і пантыфіка першай паведаміла служба камунікацыяў Аддзелу зьнешніх царкоўных сувязяў Маскоўскага патрыярхату.
ТГ-канал «Хрысціянская візія: НЕ ВАЙНЕ!» піша, што абмяркоўвалася сытуацыя «на ўкраінскай зямлі». Асаблівую ўвагу герархі аддалі гуманітарным аспэктам і падкрэсьлілі «выключнае значэньне» перамоваў.
Не паведамляецца, які з бакоў быў арганізатарам і ініцыятарам гутаркі. Ватыкан пракамэнтаваў гэтую падзею празь некалькі гадзінаў.
ТГ-канал «Хрысціянская візія: НЕ ВАЙНЕ!» нагадвае, што сёньня папа Рымскі Францішак прачытаў у малітве: «Калі ж Ты спыніш руку Каіна, паклапаціся і пра яго. Ён наш брат».