Парлямэнцкая асамблея Рады Эўропы прагаласавала за выключэньне Расеі з арганізацыі.
Рашэньне было прынятае практычна аднагалосна — «за» прагаласавалі 216 дэлегатаў, устрымаліся 3, супраць не было ніводнага голасу. Гэта азначае, што зьвяртацца ў Эўрапейскі суд у правах чалавека расейцы цяпер ня змогуць.
Акрамя гэтага, ПАРЭ аднагалосна прыняла папраўку аб афіцыйным прызнаньні Прыднястроўя зонай расейскай акупацыі.
Падчас разгляду рэзалюцыі Расея падала заяву аб самастойным выхадзе.
ГЛЯДЗІЦЕ ТАКСАМА: Прэм’ер-міністры Чэхіі, Польшчы і Славеніі прыбылі ў аточаны Кіеў для сустрэчы зь Зяленскім