Вайна Расеі супраць Украіны. МАПА

А 5-ай гадзіне раніцы 24 лютага кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР».

Расейскія снарады ўпалі на Краматорск, Харкаў, Кіеў, Івана-Франкоўск і іншыя ўкраінскія гарады, а таксама на вайсковыя базы і штабы.

Міністэрства ўнутраных спраў Украіны прадставіла сьпіс лякальных выбухаў у рэгіёнах і дадзеныя аб пацярпелых:

• Луцк — інфармацыя пра выбухі
• Адэса — выбух лякатара каля аэрапорту
• Запарожжа — выбух каля аэрапорту
• Вёска Мікалаеўка Чарнігаўскай вобласьці — паведамляецца аб руху тэхнікі з Расеі
• Вёска Бацяцічы Львоўскай вобласьці — выбухі
• Міргарад Палтаўскай вобласьці — выбух дзьвюх ракет
• Каланчак Херсонскай вобласьці — абстрэлы памежнікаў
• Знамянка Кіраваградскай вобласьці — абстрэл вайсковай часткі
• Броды Львоўскай вобласьці — тры выбухі на двух агрэгатах
• Аэрапорт УДСНС Чарнігаўскай вобласьці — наезд на лякатар (ёсьць пацярпелыя);
• Генічэск Херсонскай вобласьці — расейская ваенная тэхніка рухаецца ў бок Мелітопаля;
• Бахонікі Вінніцкай вобласьці — абстрэлы в/ч;
• Старакастанцінаў Хмяльніцкай вобласьці — абстрэл ваеннага аэрапорта;
• Падольск Адэскай вобласьці — з Прыднястроўя прыляцелі 2 самалёты, абстрэл ВПС;
• Азёрнае Жытомірскай вобласьці — ракетны абстрэл, зьнішчаны адзін самалёт;
• Тульчын і Цяплік Вінніцкай вобласьці — выбухі ў вайсковай часьці;
• Івана-Франкоўская вобласьць — абстрэлы в/ч;
• Марыупаль Данецкай вобласьці — параненае дзіця і трое мірных жыхароў;
• Харкаў — абстрэл (зэнітная частка);
• Запарожжа — на ўскраіне абстрэлу в/ч:
• Кіеўская вобласьць (Васількаўскі, Барыспальскі, Броварскі, Паліскі раёны) інфармацыя пра выбухі
• Вёска Новы Калінаў Львоўскай вобласьці — абстрэл гаруча-змазачнай базы;
• Роўне, Кіеўская вобласьць — абстрэлы в/ч;
• Чонгар і Каланчак Херсонскай вобласьці — абстрэлы в/ч.

Нямецкі журналіст Юліян Рэпке апублікаваў сваю мапу расейскай агрэсіі супраць Украіны, якая, зь ягоных словаў, грунтуецца на геалякацыі баёў і перамяшчэньня войскаў, а таксама на справаздачах украінскай арміі.