Паліна Бурко знаходзіцца за межамі Беларусі. У 6:30 ранку 18 лютага да ейных сваякоў прыйшлі «людзі ў чорным са зброяй» зь ператрусам з пастановай на вобшук на імя Паліны. Доўга грукаліся ў дзьверы. Сказалі, што дзяўчына праходзіць сьведкай у нейкай крымінальнай справе.
«Вобшук праходзіў па клясыцы беларускіх рэалій: чорныя людзі, зброя. Маці і бабулю паставілі да сьценкі», — пачынае аповед Паліна.
Ператрус ішоў 4,5 гадзіны. Дзяўчына кажа, што агулам усё адбывалася ветліва. Забралі тэлефон маці, мабільны тэлефон бабулі праверылі.
«Перавярнулі ўвесь дом, нават сьметніцу. Бабулю спыталі, ці ёсьць у яе зброя. На што яна адказала: „Знайшлі, у каго пытаць“. Бабуля вельмі спужалася, у яе падняўся ціск да 200. Яна ня ведала, што такое можа быць, хоць мы ёй і казалі. Ня верыла», — расказвае суразмоўца пра рэакцыю сваёй 75-гадовай бабулі.
У выніку Алену Бурко затрымалі на допыт у КДБ, за што — невядома. Цяпер яна на Акрэсьціна.
Напярэдадні ў гэтым раёне затрымалі яшчэ некалькі суседзяў, пасадзілі іх на содні.
ГЛЯДЗІЦЕ ТАКСАМА: Сын Шаўковіча пра дэталі затрыманьня бацькі: «Сказалі, трэба зьезьдзіць у міліцыю для прафразмовы» ГЛЯДЗІЦЕ ТАКСАМА: Хроніка перасьледу 18 лютага: у Менску КДБ затрымаў студэнта; у Магілёве ператрус у выкладчыка, у Гомлі — у журналісткі Шчыраковай