Пра тое, што Ўкраіна плянуе быць максымальна прысутнай ва ўсіх фарматах NATO, заявіла першая намесьніца міністра замежных спраў Эмінэ Джапарава падчас Маратону адзінства #UAm, піша Укрінформ.
«Наша мэта — поўнае сяброўства ў NATO. Наша тактыка палягае ў тым, каб максымальна прысутнічаць ва ўсіх фарматах, якія ў той ці іншай ступені дазволеныя Ўкраіне», — сказала яна.
У якасьці прыкладу Джапарава прывяла «Партнэрства для пашырэньня магчымасьцяў».
ГЛЯДЗІЦЕ ТАКСАМА: «Жадаю NATO ў кожны дом». Як жыве ўкраінскае мястэчка Казачая Лопань за два кілямэтры ад расейскай мяжыПаводле яе, яшчэ адным элемэнтам інтэграцыі Ўкраіны ў NATO зьяўляюцца штогадовыя нацыянальныя пляны, якія вызначаюць задачы ва ўсіх сэгмэнтах грамадзкага жыцьця.
«Мне здаецца, што мы на правільным шляху, і пытаньне, якое стаіць перад нашай дыпляматыяй, — гэта чырвоная лінія, пра якую мы гаворым: «Ніякіх саступак у гэтых пытаньнях быць ня можа», — сказала Джапарава.
14 лютага віцэ-прэм’ерка Ўкраіны ў пытаньнях эўрапейскай і эўраатлянтычнай інтэграцыі Вольга Стэфанішына, камэнтуючы прапанову пасла Вялікай Брытаніі Вадзіма Прыстайкі аб тым, што Ўкраіна можа адмовіцца ад уступленьня ў NATO, калі гэтага запатрабуюць абставіны, заявіла, што «гнуткасьць» у эўрапейскім і эўраатлянтычным курсе не зьяўляецца варыянтам для дзяржавы.
ГЛЯДЗІЦЕ ТАКСАМА: Прэс-сакратар Крамля: Адмова Ўкраіны ад NATO дапаможа «значнаму адказу на расейскія заклапочанасьці» ГЛЯДЗІЦЕ ТАКСАМА: Чэхія, Славаччына і Аўстрыя: «Украіна павінна самастойна вызначаць сваё месца ў сыстэме бясьпекі Эўропы і сьвету»