Зекір’я Муратаў і Вадзім Бектэміраў атрымалі 11 з паловай і 11 гадоў пазбаўленьня волі адпаведна. Абодва сваёй віны не прызналі.
«Вадзім у апошнім слове казаў, што не чакае нічога, акрамя абвінаваўчага прысуду, і зь першага дня арышту выдатна ведаў і разумеў, чым гэта скончыцца… Мы даказалі, што гэта была правакацыя ФСБ, што ўсе сакрэтныя сьведкі — гэта агенты ФСБ, якія вандруюць са справы ў справу. Усё гэта было даведзена да суду, але рашэньне прынятае», — сказаў адвакат Бектэмірава Эміль Курбядзінаў. Яго словы цытуе Крым.Рэаліі.
ГЛЯДЗІЦЕ ТАКСАМА: У Расеі чацьвёра крымскіх татараў атрымалі ад 12 да 18 гадоў калёніі па справе «Хізб ут-Тахрыр»Муратава і Бектэмірава арыштавалі ў анэксаваным Крыме ў ліпені 2020 году, разам зь пяцьцю іншымі мясцовымі татарамі. Гэтых пяцёх таксама западозрылі ў сувязях з «Хізб ут-Тахрыр».
Украінскі амбудсмэн Людміла Дзянісава паведаміла ў Telegram-канале пра затрыманьне трох журналістаў зь ліку крымскіх татараў, якія прыехалі на абвяшчэньне прысуду крымчанам у Растове-на-Доне. Дзянісава ўказала на парушэньне расейскім кіраўніцтвам нормаў міжнароднага права і заклікала міжнародную супольнасьць паспрыяць таму, каб Расея «спыніла неабгрунтаваныя арышты і працэсы па сфабрыкаваных справах супраць грамадзян Украіны».
ГЛЯДЗІЦЕ ТАКСАМА: Вярхоўны суд Крыму завочна асудзіў на 6 гадоў калёніі лідэра крымскіх татараўЗ моманту анэксіі Крыму ў 2014 годзе расейскія ўлады паддалі крымінальнаму перасьледу дзясяткі крымскіх татараў паводле абвінавачаньняў у сувязях з арганізацыяй «Хізб ут-Тахрыр», забароненай Вярхоўным судом Расеі ў 2003 годзе.