«Мітрапаліт Філарэт шмат зрабіў для адзінства Беларусі», — абгрунтаваў усталяваньне помніка Кухараў, якога цытуе прэс-служба Менгарвыканкаму.
Сёлета ў Беларусі ідзе цэлая кампанія па ўшанаваньні памяці Філарэта. Плошчу, прылеглую да сабора ў Менску, могуць назваць у яго гонар, у Гомлі ў гонар Філарэта зьбіраюцца перайменаваць вуліцу Крапоткіна, у Берасьці — вуліцу Халтурына.
Мітрапаліт Філарэт (Кірыл Вахрамееў) кіраваў Беларускай праваслаўнай царквой ад канца 1970-х, калі быў прызначаны мітрапалітам Менскім і Беларускім. У 1989-м ён стаў мітрапалітам Менскім і Горадзенскім, Патрыяршым Экзархам усёй Беларусі. У 2006 годзе мітрапаліту прысвоілі званьне «Герой Беларусі».
Герарх памёр 12 студзеня 2021 году, перад гэтым перахварэўшы на каранавірус. Яму было 85 гадоў. Пахаваны ў Жыровіцкім манастыры.
ГЛЯДЗІЦЕ ТАКСАМА: Памёр былы кіраўнік Беларускай праваслаўнай царквы мітрапаліт Філарэт. У яго быў каранавірус