30 сьнежня ў Горадні пачалі судзіць Алену Ягорычаву і яе мужа Ігара Пазьнякова. Бацька Алены — Уладзімер Ягорычаў, гісторык, выкладчык Горадзенскага дзяржаўнага ўнівэрсытэту, вядомы ў Горадні апалягет Сталіна і прыхільнік Лукашэнкі
Пра гэта паведамляе Белсат.
Алену Ягорычаву і Ігара Пазьнякова абвінавачваюць паводле ч.1 арт.342 КК РБ («Арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх») і арт. 364 КК РБ («Гвалт альбо пагроза ўжываньня гвалту ў дачыненьні да супрацоўніка органаў унутраных спраў»).
У 2014 годзе Ўладзімер Ягорычаў (бацька Алены Ягорычавай) разам з калегам па ўнівэрсытэце Вадзімам Хілютам праводзіў экспэртызу «на экстрэмізм» кнігі праваабаронцы Алеся Бяляцкага «Асьвечаныя Беларушчынай». Тады ў заключэньні Ягорычаў і Хілюта адзначылі, што кніга Бяляцкага можа нанесьці шкоду Рэспубліцы Беларусь альбо краінам-чальцам Мытнага саюзу.
ГЛЯДЗІЦЕ ТАКСАМА: Год «экстрэмістаў». Як зьмянілася аўдыторыя тэлеграм-каналаў пасьля прызнаньня іх «экстрэмісцкімі» ГЛЯДЗІЦЕ ТАКСАМА: Беларускія праваабаронцы прызналі палітвязьнямі яшчэ 18 чалавек