У гэты дзень
1865 — Дзьмітры Мендзялееў абараніў доктарскую дысэртацыю «Аб спалучэньні сьпірту з вадой». Гадавіну гэтага здарэньня расейцы шануюць як неафіцыйны «Дзень нараджэньня расейскай гарэлкі».
1918 — утвораны Беларускі нацыянальны камісарыят на чале з Аляксандрам Чарвяковым. Белнацкам — у процівагу ўраду БНР — вёў агітацыйную, культурна-асьветніцкую, выдавецкую працу, прапагандуючы ідэю стварэньня беларускай савецкай дзяржавы. Ажыцьцяўляў масавую агітацыю і прапаганду ідэй савецкай улады.
Аляксандар Чарвякоў
1943 — нацысты зьнішчылі гета ў Пружанах.
1957 — у Менску заснаваны Дзяржаўны музэй Беларусі (зараз Нацыянальны музэй гісторыі і культуры Беларусі).
Нацыянальны музэй гісторыі і культуры
2020 — Вялікая Брытанія выйшла са складу Эўрапейскага зьвязу.
Сьцяг Вялікай Брытаніі прыбіраюць з флягштоку перад будынкам Эўрапарлямэнту ў Брусэлі, 31 студзеня 2020
У гэты дзень нарадзіліся
1892 — Алесь Гурло, беларускі паэт.
1924 — Тэнгіз Абуладзэ, грузінскі кінарэжысэр.
1929 — Анатоль Грыцкевіч, беларускі гісторык.
1935 — Кэндзабура Оэ, японскі пісьменьнік, ляўрэат Нобэлеўскай прэміі.
1946 — Мікола Купава, беларускі мастак-графік, дзяяч нацыянальнага адраджэньня.
1975 — Альгерд Бахарэвіч, беларускі пісьменьнік.
Альгерд Бахарэвіч
У памяці
1930 — Бэнэдыкт Дыбоўскі, заоляг, прыродазнаўца, лекар, публіцыст, удзельнік паўстаньня 1863–1864 гадоў.
1940 — Зьміцер Прышчэпаў, дзяржаўны дзеяч, наркам земляробства ў БССР у 1920-х гадох, ахвяра сталінскіх рэпрэсіяў.
2005 — Кастусь Рамановіч, удзельнік падпольнага Саюзу Вызваленьня Беларусі ў Наваградку, вязень савецкіх канцлягераў.
2013 — Мікалай Амельяновіч, беларускі дзяржаўны дзеяч, першы старшыня праўленьня Нацыянальнага банку Рэспублікі Беларусь.