Пляма хімічнага «вясёлкавага» колеру зьявілася недалёка ад месца, дзе выцякае Няміга, і заканчваецца ў месцы, дзе Сьвіслач перагароджаная жоўтым рукавом. Каля плямы ўвечары 26 студзеня стаялі два вадалазы, а таксама невялікі натоўп цікаўных мінакоў, піша «Зялёны партал».
Перакрыты ўчастак Сьвіслачы ў цэнтры Менску
Паходжаньне плямы (мазут гэта, алейная фарба ці нешта яшчэ) высьвятляюць.
Паху каля ракі пры гэтым не было, птушак на пляме таксама.
Ратавальнікі на месцы разьліву нафтапрадуктаў
Расьцягнуты ратавальнікамі на Сьвіслачы жоўты рукаў
8 студзеня 2022 году побач з гэтым месцам абрынуўся мост. Шэраг урбаністаў і архітэктараў прапанавалі яго не аднаўляць, зьмяніўшы выгляд Нямігі, аднак улады вырашылі, што мост адновяць за месяц. Пры гэтым новы мост праектуюць і будуюць адначасова.
ГЛЯДЗІЦЕ ТАКСАМА: «Менш машын, больш зялёнай і пешаходнай зоны». Экспэрты пра тое, як магла б выглядаць Няміга бяз моста ГЛЯДЗІЦЕ ТАКСАМА: «Невядомы Менск. Гісторыя зьнікненьня»: мост над Нямігай