Як паведамілі ў Дзяржаўным бюро расьсьледаваньняў Украіны, паліцэйскага затрымалі 22 студзеня ў часе перадачы яму грошай.
Паводле сьледзтва, паліцэйскі абяцаў за 5 тысячаў даляраў накіраваць у міграцыйную службу пазытыўныя рэкамэндацыі для падоўжаньня тэрміну дзеяньня віду на часовае жыхарства ва Ўкраіне.
Сьледчыя канфіскавалі грошы і завялі крымінальную справу паводле факту атрыманьня хабара. Згодна з заканадаўствам, паліцэйскаму пагражае пазбаўленьне волі на тэрмін да 10 гадоў.
Заканадаўства Ўкраіны дазваляе заводзіць крымінальныя справы і ў дачыненьні да тых грамадзян, якія прапануюць хабар. Аднак у Дзяржаўным бюро расьсьледаваньняў не ўдакладнілі, ці пагражае грамадзяніну Беларусі крымінальная адказнасьць за хабар украінскаму паліцэйскаму.
ГЛЯДЗІЦЕ ТАКСАМА: ЗША і Брытанія эвакуююць частку сваіх дыпляматаў з Кіева. У МЗС Украіны лічаць гэтыя крокі заўчаснымі