Пра сваю хваробу былы лідэр польскага антыкамуністычнага супраціву і прэзыдэнт Польшчы Лех Валэнса паведаміў у допісе ў Фэйсбуку.
«Не магу паверыць. Я 3 разы прышчэплены, у мяне ўзятыя 3 мазкі. Але я інфікаваны. Баліць галава. Не магу сагрэцца. Адчуваю, што цела адрываецца ад касьцей. Не магу даць рады ўласнаму целу. Што ж зробіш? Пасьля гэтага ўроку ня буду расставацца з маскай».
ГЛЯДЗІЦЕ ТАКСАМА: Лех Валэнса: «Я хачу, каб у беларусаў усё атрымалася»У 1980 годзе Валэнса стаў лідэрам прафсаюзу «Салідарнасьць» — аднаго з самых моцных і шматлюдных антыкамуністычных рухаў у сьвеце. У 1983 годзе ён атрымаў Нобэлеўскую прэмію міру, а ў 1990 годзе быў абраны прэзыдэнтам Польшчы.
Цяпер Валэнсу 78 гадоў. Ён пэнсіянэр, але часта камэнтуе бягучыя падзеі ў Польшчы і сьвеце, у тым ліку і ў Беларусі.
ГЛЯДЗІЦЕ ТАКСАМА: Леху Валэнсу высунулі абвінавачаньні ў крымінальным злачынстве