Вядучы бізнэс-аналітык ІТ-кампаніі EPAM Дзяніс Насура ня выйшаў на волю пасьля 13-дзённага адміністрацыйнага арышту, піша dev.by.
Супраць яго распачалі крымінальную справу за «Арганізацыю або падрыхтоўку дзеяньняў, што груба парушаюць грамадзкі парадак» (артыкул 342 Крымінальнага кодэксу Беларусі). Гэта пацьвердзілі знаёмыя Насуры.
Толькі з 1 сьнежня сілавікі затрымалі некалькіх топ-мэнэджараў і іншых заўважных прадстаўнікоў ІТ-кампаній: Дзяніс Насура (EPAM), Глеб Скуратаў (Oxagile), Дзьмітры Плашчынскі (сузаснавальнік і распрацоўшчык WiFi Map), Андрэй Швыдрык (EPAM).
15 сьнежня падчас паездкі ў Магілёўскую вобласьць Лукашэнка абазначыў праціўнікаў, неляяльных уладзе: «На прадпрыемствах прыватнай формы ўласнасьці ў нас заўсёды былі праблемы. Айцішнікі і іпэшнікі ў вас таксама ёсьць... Каб не адбылося гэтага і цяпер і каб нам не прыйшлося зноў па вуліцах з аўтаматамі бегаць».
ГЛЯДЗІЦЕ ТАКСАМА: Дырэктара ІТ-кампаніі Aivitam асудзілі на 15 сутак ГЛЯДЗІЦЕ ТАКСАМА: Палітвязьнямі прызналі аўтара мэму пра памідоры са сьмятанай, супрацоўніка A1 і жанчыну, затрыманую за жаданьне быць на судзе над Залатар