31 сьнежня а 23-й гадзіне там пройдзе сьвятая імша на заканчэньне году. Да таго ж 1 студзеня на Ўрачыстасьць Маці Божай і 2 студзеня апоўдні пройдуць багаслужбы, піша Эўрарадыё.
На адбудову касьцёла неабыякавыя людзі сабралі больш за 1,1 мільёна рублёў. Апошнія 3 тысячы — на Калядным кірмашы, які прайшоў у менскім касьцёле Сьв. Роха пару дзён таму.
ГЛЯДЗІЦЕ ТАКСАМА: Будслаўскі касьцёл пасьля пажару накрылі часовым дахам, неўзабаве адновяцца набажэнствыПажар у нацыянальным санктуарыі здарыўся 11 траўня. У выніку абваліўся дах, а вада з пажарных брандспойтаў пашкодзіла сьцены, падлогу і мэблю. Абраз Маці Божай Будслаўскай, Найсьвяцейшы Сакрамэнт і іншую каштоўную маёмасьць пасьпелі вынесьці. Кіраўніцтва касьцёла неадкладна зьвярнулася па дапамогу ў зборы сродкаў, былі адкрытыя адмысловыя рахункі.
За прамінулы час валянтэры разабралі абгарэлыя часткі, прасушылі ўнутранае ўбраньне і арганы, усталявалі чуйнікі вільгаці, ачысьцілі дах ад сьмецьця і вугалю, разабралі падвалы. У пачатку чэрвеня будаўнікі накрылі часовы дах, а таксама наладзілі сыстэму адводу дажджавой вады.
ГЛЯДЗІЦЕ ТАКСАМА: «Мінімум $1,5 мільёна і праца на гады». Пагаварылі са сьвятаром з камісіі аднаўленьня касьцёла ў Будславе ГЛЯДЗІЦЕ ТАКСАМА: Тысячы пілігрымаў і Багародзіца з усьмешкай. Чым вядомы беларускі Нотр-Дам?