Эўрапейскае агенцтва лекавых сродкаў ухваліла вакцыну амэрыканскага вытворцы Novavax (камэрцыйная назва прэпарата – Nuvaxovid).
Nuvaxovid стала першай бялковай вакцынай, ухваленай у Эўропе.
Пасьля таго, як рашэньне рэгулятара фармальна зацьвердзіць Эўракамісія, краіны ЭЗ змогуць выкарыстоўваць вакцыну.
- Да гэтага часу Эўразьвяз ухваліў чатыры вакцыны – ад кампаній Moderna, Pfizer / BioNTech, Johnson&Johnson і AstraZeneca – менавіта імі прышчапляюць у краінах ЭЗ.
- Сусьветная арганізацыя здароўя ўхваліла сем вакцын. Novavax стаў восьмым у сьпісе САЗ.