Каля сотні мігрантаў, часова разьмешчаных у лягістычным цэнтры каля пункту пропуску «Брузгі» на беларуска-польскай мяжы, спатрэбілася мэдычная дапамога. Пра гэта паведаміла начальніца Галоўнага ўпраўленьня аховы здароўя Горадзенскага аблвыканкаму Людміла Кеда, пішуць РИА Новости.
«Мы возім пацыентаў у Горадню. Асноўныя клінікі — лякарня хуткай мэдычнай дапамогі і ўнівэрсытэцкая клініка. Дзяцей адпраўляем у дзіцячую клінічную лякарню, цяжарных — у пэрынатальны цэнтар. На сёньня завезьлі каля 100 чалавек», — паведаміла Кеда дэлегацыі САЗ, якая напярэдадні прыехала ў цэнтар.
ГЛЯДЗІЦЕ ТАКСАМА: Дэлегацыя САЗ прыбыла ў Беларусь для назіраньня за сытуацыяй зь мігрантаміСярод асноўных прычын шпіталізацыі Кеда вылучыла пнэўманію, выкліканую каранавірусам, захворваньні лёгкіх, страўнікава-кішачнага тракту і траўмы, атрыманыя на мяжы. Адзін зь мігрантаў праз пнэўманію знаходзіцца ў цяжкім стане ў шпіталі.
У панядзелак, 22 лістапада, у Беларусь прыбудзе дырэктар Эўрапейскага рэгіянальнага бюро САЗ Ґанс Клюґе.
ГЛЯДЗІЦЕ ТАКСАМА: Курдзкі мігрант з Іраку: «Нас прывезьлі да мяжы на вайсковых грузавіках» ГЛЯДЗІЦЕ ТАКСАМА: «Мяне вельмі зьмяніў covid-19 і гвалт». Гісторыя лекара Станіслава Салаўя, які стаў не патрэбны беларускаму шпіталю