«Ноч, на жаль, не была спакойнай. Напружаньне было меншым, чым тое, што мы бачылі ў Кузьніцы, аднак мэтады захаваліся — меншыя групы мігрантаў спрабавалі перайсьці мяжу ў іншых месцах таксама ўночы».
Блашчак асобна адзначыў, што мігранты працягваюць праяўляць вялікую агрэсію супраць польскіх памежных службаў, а нападнікаў, у сваю чаргу, адкрыта падтрымлівае рэжым Лукашэнкі, які існуе толькі таму, што карыстаецца падтрымкай Масквы.
«Гэта несумненна: калі б не Масква, Расея, Лукашэнка ня быў бы пры ўладзе ў Беларусі», — заявіў міністар абароны.
Марыюш Блашчак сказаў аб тым, што палякі павінны рыхтавацца да таго, што «сытуацыя на беларускай мяжы хутка ня вырашыцца», ён толькі спадзяецца, што на вырашэньне пойдуць месяцы, а не гады.
ГЛЯДЗІЦЕ ТАКСАМА: 16 лістапада на на мяжы з польскага боку пацярпелі 12 чалавекМіністар таксама расказаў аб супрацоўніцтве з ЭЗ і NATO.
«Мы знаходзімся ў пастаянным кантакце з саюзьнікамі, з заявай пра падтрымку генэральны сакратар NATO. Мы кансультуемся, ідзе выведка, якую праводзяць брытанскія войскі; я спадзяюся, што неўзабаве змагу даць інфармацыю аб яе заканчэньні», — дадаў Блашчак.
Памежная варта Польшчы прывяла статыстыку за 16 лістапада. Згодна зь ёй, палякі спынілі 161 спробу нелегальнага пераходу мяжы, 34 іншаземцам выдалі пастанову аб абавязаньні пакінуць тэрыторыю Польшчы. Увечары былі яшчэ 2 няўдалыя спробы мігрантаў прарвацца празь мяжу сілай.
ГЛЯДЗІЦЕ ТАКСАМА: У мігранцкай гісторыі Лукашэнка рызыкуе страціць рэшткі свайго электарату ГЛЯДЗІЦЕ ТАКСАМА: МЗС Беларусі абурылася тым, што польскія памежнікі абаранялі сваю мяжу