Кіраўнік эўрапейскай дыпляматыі Бурэль заявіў, што ЭЗ заўтра пашырыць санкцыі адносна Беларусі. Найважнейшае за 14 лістапада

Міністры замежных справаў краінаў Эўразьвязу ў панядзелак пашыраць санкцыі адносна Беларусі — паведаміў вярхоўны прадстаўнік ЭЗ у пытаньнях зьнешняй палітыкі і бясьпекі Жузэп Бурэль. Сёньня ён меў тэлефонную гутарку зь міністрам замежных справаў Беларусі Ўладзімерам Макеем.

Журналістку Ірыну Слаўнікаву і яе мужа Аляксандра Лойку ня вызвалілі пасьля адбыцця 15 содняў адміністрацыцйнага арышту.

Польская Памежная варта заявіла, што перадухіліла два нелегальныя прарывы мяжы па-за пунктамі пропуску. Аднак паліцыя паведаміла пра адну пасьпяховую спробу.

Польскія памежнікі сёньня з раніцы папярэджвалі мігрантаў аб недапушчальнасьці пераходу мяжы

Нямецкая фэдэральная паліцыя толькі за восень арыштавала 329 чалавек за спрыяньне нелегальнай міграцыі.

У сьвятле ініцыяванага Менскам міграцыйнага крызісу кіраўнікі ўрадаў Польшчы, Літвы і Латвіі абмяркоўваюць магчымасьць запуску артыкулу 4 Паўночнаатлянтычнай дамовы — пра гэта заявіў прэм’ер-міністар Матэвуш Маравецкі.

На Расеі ляжыць відавочная адказнасьць за тое, каб націснуць на ўлады Беларусі і заклікаць іх спыніць абвастрэньне крызісу і пачаць дыялёг з апазыцыяй — пра гэта напісала міністарка замежных справаў Вялікай Брытаніі Ліз Трас у аўтарскім артыкуле ў газеце Sunday Telegraph.

Сын забітага лібійскага дыктатара Муамара Кадафі 14 лістапада вылучыў сваю кандыдатуру на прэзыдэнцкія выбары, якія адбудуцца ў наступным месяцы.