Польскае Міністэрства абароны апублікавала відэа, на якім зь беларускага боку мяжы чуваць, як людзі ў форме пхаюць мігрантаў, крычаць «Пошёл!» і страляюць.
Służby białoruskie zastraszają migrantów oddając strzały w ich obecności. pic.twitter.com/GTvrW5xUYU
— Ministerstwo Obrony Narodowej 🇵🇱 (@MON_GOV_PL) November 10, 2021
Uchwyciliśmy także akty przemocy ze strony Białorusinów pic.twitter.com/vVcKLdAIWi
— Ministerstwo Obrony Narodowej 🇵🇱 (@MON_GOV_PL) November 10, 2021
За мінулыя содні польскія памежнікі зафіксавалі 599 спробаў парушэньня мяжы.
«Калі ў нас два дні таму была адна вялікая група, сканцэнтраваная непадалёк ад Кузьніцы Беластоцкай, і там была такая спроба перасячы мяжу, то цяпер маем справу зь меншымі, але шматлікімі групамі, якія адначасова атакуюць мяжу», — сказаў Міністар абароны Польшчы Марыюш Блашчак на Першым канале польскага радыё.
Мігранты, якіх перавезьлі ад польскай мяжы да літоўскай, таксама казалі, што беларускія сілавікі стралялі ў паветра, прымушаючы іх сесьці ў машыны.
ГЛЯДЗІЦЕ ТАКСАМА: Абвастрэньне міграцыйнага крызісу зафіксавалі і ў Літве, куды за дзень спрабаваў трапіць 281 мігрант ГЛЯДЗІЦЕ ТАКСАМА: Стральба і новыя спробы прарыву ў Польшчу. Крызіс на мяжы: што адбываецца 10 лістапада