Ганаровы консул Беларусі ў горадзе Эрбіль Фуад Хамад пацьвердзіў Zerkalo.io гэтую інфармацыю. Ён сказаў, што гэта зьвязана зь міграцыйным крызісам на мяжы Беларусі і краінаў Эўразьвязу. Пры гэтым ён адзанчыў, што ганаровыя консультвы ня маюць паўнамоцтваў выдаваць візы.
Паводле інфармацыі дыплямата, закрываюцца прадстаўніцтвы ў Багдадзе (сталіцы Ірака) і Эрбілі (сталіца ірацкага Курдыстану). Як паведаміў Хамад, гэта адбылося на рашэньне ірацкага ўраду.
Курдзкае выданьне Rojnews апублікавала відэа, на якім спускаюць афіцыйны сьцяг Беларусі. Паведамляецца, што гэта адбылося ў горадзе Эрбіль.
У канцы кастрычніка ўлады Нямеччыны дамовіліся з уладамі Іраку аб спыненьні шэрагу рэйсаў з Іраку ў Беларусь. Каб спыніць паток мігрантаў у Нямеччыну празь «беларускі транзыт», нямецкі ўрад вядзе перамовы і з авіякампаніямі, якія ажыцьцяўляюць рэйсы ў Менск, і з краінамі адпраўленьня.
ГЛЯДЗІЦЕ ТАКСАМА: Мігранты пра беларускіх памежнікаў: «Яны білі ўсіх і паўтаралі: „Ідзіце ў Польшчу!“» ГЛЯДЗІЦЕ ТАКСАМА: «Лепш памерці тут, чым вяртацца ў Курдыстан». Як група мігрантаў 9 дзён жыла ў лесе на мяжы ГЛЯДЗІЦЕ ТАКСАМА: У атачэньні дзясяткаў землякоў у цэнтры Менску памёр мужчына зь Іраку