У Нямеччыне затрымалі беларуса, які перавозіў 41 мігранта з Іраку і Сырыі. Сярод нелегалаў былі жанчына і двое дзяцей.
49-гадовага грамадзяніна Беларусі затрымалі, паведамляе Süddeutsche Zeitung. Фуру на фэдэральнай трасе праверыла паліцыя, якую перад гэтым нехта папярэдзіў пра нелегальную перавозку.
Раней непадалёк ад Франкфурту-на-Одэры затрымалі грузавік, якім кіраваў 43-гадовы ўкраінец. Ён перавозіў 40 мігрантаў з Іраку і Ірану.
Паводле фэдэральнай паліцыі, ад пачатку году да канца верасьня было выяўлена агулам 1556 асоб, якія незаконна праніклі ў Нямеччыну празь Беларусь, Літву ці Польшчу.
ГЛЯДЗІЦЕ ТАКСАМА: Празь Беларусь у Нямеччыну. Як жывуць ўцекачы ў былым Сталінштаце