Адмыслоўцы з ініцыятывы ByPol пракамэнтавалі, якія памылкі яны пабачылі ў дзеяньнях сілавікоў і чаму Андрэй Зельцар меў права аказаць збройны супраціў.
28 верасьня ў Менску падчас рэйду КДБ па кватэрах у адной з кватэр жыхар аказаў супраціў сілавікам — стрэліў у аднаго зь іх з паляўнічай стрэльбы. Сілавікі ў адказ адкрылі агонь і застрэлілі мужчыну. Паранены супрацоўнік КДБ загінуў. Распачатая крымінальная справа паводле ч. 2 арт.139 КК («Забойства асобы ў сувязі з ажыцьцяўленьнем ёю службовай дзейнасьці»).
Як стала вядома, страляў 31-гадовы Андрэй Зельцар, супрацоўнік EPAM Systems. Ён жанаты, мае сына. Меў афіцыйна зарэгістраваную зброю, бо ўваходзіў у Таварыства паляўнічых і рыбаловаў. Таксама Зельцар займаўся фэхтаваньнем і трыятлёнам.
Жонку Андрэя Зельцара Марыю Ўсьпенскую затрымалі праз падазрэньне ў саўдзеле ў забойстве супрацоўніка КДБ, цяпер яна ў сьледчым ізалятары на Акрэсьціна. У Сьледчым камітэце паведамілі, што жонка Зельцара «праводзіла відэаздымку» і «садзейнічала зьдзяйсьненьню злачынства».
ГЛЯДЗІЦЕ ТАКСАМА: У Менску ў перастрэлцы загінулі супрацоўнік КДБ і мужчына, які адстрэльваўся ГЛЯДЗІЦЕ ТАКСАМА: Стала вядомая асоба жанчыны, якая запісвала відэа з забітым праграмістам ГЛЯДЗІЦЕ ТАКСАМА: У Менску падчас рэйду КДБ па кватэрах у страляніне загінулі двое. Што вядома? ГЛЯДЗІЦЕ ТАКСАМА: Што вядома пра сьмерць Андрэя Зельцара, які загінуў у перастрэлцы з супрацоўнікам КДБ