18 верасьня Паўла Севярынца этапавалі ў шклоўскую папраўчую калёнію № 17, дзе сядзеў Вітальд Ашурак, паведаміла ў фэйсбуку жонка палітыка Вольга Севярынец. «Лісты цяпер трэба пісаць туды, бліжэйшыя два тыдні з пазнакай „карантын“, пасьля стане вядомы атрад», — напісала яна.
Яна таксама расказала пра цяперашні стан бацькі Паўла, Канстанціна Севярынца, які разам жонкай Тацянай нядаўна моцна захварэў на каранавірус і трапіў у інфэкцыйны шпіталь Віцебску.
«Нашаму тату ўсё яшчэ дрэнна, асабліва ноччу. Нам застаецца толькі маліцца за нашых родных і спадзявацца на Бога. Прашу ўзгадваць нашу сям’ю ў малітвах», — напісала Вольга.
ГЛЯДЗІЦЕ ТАКСАМА: Зьявіўся аўтарскі сайт палітвязьня Паўла СевярынцаПавал Севярынец — апазыцыйны палітык, сузаснавальнік партыі «Беларуская хрысьціянская дэмакратыя», пісьменьнік. Сёлета ў сьнежні яму споўніцца 45 гадоў. Быў затрыманы супрацоўнікамі міліцыі летась 7 чэрвеня. Тады яму вынесьлі тры прысуды аб адміністрацыйных арыштах па 15 дзён кожны за ўдзел у перадвыбарчых пікетах і за заклікі да ўдзелу ў масавых мерапрыемствах. Далучылі 30 дзён арышту за ўдзел у антыінтэграцыйных акцыях пратэсту ў сьнежні 2019 і студзені 2020 гадоў.
Пасьля 75 дзён Паўла Севярынца ня выпусьцілі на волю, а перавялі ў СІЗА № 1 у статусе падазраванага паводле арт. 293 КК (арганізацыя масавых беспарадкаў). Там выставілі абвінавачаньне.
25 траўня ў Магілёўскім абласным судзе Севярынцу абвясьцілі прысуд. Судзьдзя Ірына Ланчава асудзіла палітыка на 7 гадоў калёніі ўзмоцненага рэжыму.
27 жніўня апэляцыйны суд пакінуў прысуд палітыку ў сіле.
ГЛЯДЗІЦЕ ТАКСАМА: Павал Севярынец з турмы зьвярнуўся да вернікаў: «Цяжкае маўчаньне царквы азначае агульнае пачуцьцё безнадзейнасьці» ГЛЯДЗІЦЕ ТАКСАМА: «У яе ў мозгу расьце пухліна». Бацька палітзьняволенай Ксеніі Луцкіной расказаў, што дачцэ кожны дзень колюць болепатольныя ГЛЯДЗІЦЕ ТАКСАМА: Месяцамі бяз душу, матрацаў, як паддосьледныя. Зьняволеная апісала цяперашнія ўмовы на Акрэсьціна