Агулам да каманды Ціханоўскай далучыліся чацьвёра новых спэцыялістаў.
Да прадстаўніка Сьвятланы Ціханоўскай у эканамічных рэформах Алеся Аляхновіча далучыліся новыя спэцыялісты, паведамляе тэлеграм-канал штабу апазыцыйнага палітыка.
- Экс-супрацоўнік Рады бясьпекі Беларусі, сузаснавальнік асацыяцыі беларускага бізнэсу за мяжой (ABBA), спэцыяліст эканамічнага аналізу і рэформаў Яўген Буры;
- Экс-прадстаўніца праграмы разьвіцьця ААН у Беларусі са шматгадовым досьведам працы ў буйных міжнародных кампаніях, спэцыялістка ў пэнсійнай і бюджэтнай рэформах Ірына Сазановіч;
- Прадпрымальнік, сузаснавальнік асацыяцыі ABBA, спэцыяліст у абароне і захаваньні бізнэсу Мікалай Пракоф’еў;
- Спэцыялістка ў эканамічным аналізе Караліна Саўка.
Буры і Пракоф’еў раней уваходзілі ў Народнае антыкрызіснае кіраўніцтва Паўла Латушкі.
Ціханоўская абмеркавала з эканамістамі сумесныя пляны працы і заявіла, што каманда працуе над рознымі пытаньнямі, ад актуальнага парадку дня да разьвіцьця эканомікі і падтрымкі для Беларусі з боку дэмакратычных краін у будучыні.
ГЛЯДЗІЦЕ ТАКСАМА: Чаму МВФ даў Беларусі 900 мільёнаў даляраў? Тлумачыць дарадца Ціханоўскай