Жаночая зборная Беларусі па стральбе з луку пазмагалася зь Нямеччынай за бронзу Алімпійскіх гульняў.
25 ліпеня на Алімпіядзе-2020 у Токіё сталі вядомыя ўладальнікі мэдалёў у камандных спаборніцтвах па стральбе з луку сярод жанчын.
Каманда Беларусі выйшла ў паўфінал, дзе саступіла Паўднёвай Карэі. Да таго беларускі перамаглі Кітай і Японію.
У матчы за 3-е месца Беларусі супрацьстаяла Нямеччына. Спадзеў на першы мэдаль ня спраўдзіўся — камандная параза зь лікам 1:5.
ГЛЯДЗІЦЕ ТАКСАМА: Заўзеем за нашых! Беларускія «спартоўцы пратэсту» на Алімпіядзе ў Токіё (РАСКЛАД)У складзе нацыянальнай зборнай выступае маладая лучніца Карына Казлоўская — падпісантка ліста за сумленныя выбары і супраць гвалту, а таксама Мэмарандуму за незалежнасьць. А вось яе партнэркі Карына Дзямінская і Ганна Марусава, наадварот, падпісалі праўладны ліст у падтрымку рэжыму Лукашэнкі.
Карына Казлоўскае яшчэ паспытае шчасьця ў індывідуальных спаборніцтвах.