Алімпіяда пачынаецца на год пазьней, чым плянавалася. Яе правядзеньне перанесьлі на год праз пандэмію каранавіруснай інфэкцыі COVID-19.
The #OpeningCeremony for the #Olympics #Tokyo2020 has officially begun 🎆#UnitedByEmotion | #StrongerTogether pic.twitter.com/N1jXG8SDFM
— #Tokyo2020 (@Tokyo2020) July 23, 2021
За гэты год пандэмія ня скончылася, і Алімпійскія гульні сутыкнуліся з беспрэцэдэнтнымі абмежаваньнямі. Спаборніцтвы пройдуць, апроч шэрагу выключэньняў, без гледачоў, дэлегацыі краін-удзельніц скарочаныя, спартоўцаў рэгулярна тэстуюць на каранавірус, а некаторыя зь іх ужо былі вымушаныя адмовіцца ад плянаў удзелу ў Гульнях, бо ў іх выявілі вірус.
ГЛЯДЗІЦЕ ТАКСАМА: Заўзеем за нашых! Беларускія «спартоўцы пратэсту» на Алімпіядзе ў Токіё (РАСКЛАД)Акрамя таго, скандалы скаланалі каманду арганізатараў Алімпіяды. З розных нагодаў, галоўным чынам з прычыны зробленых у мінулым спрэчных выказваньняў, у адстаўку былі вымушаныя пайсьці кіраўнік яе аргкамітэту і шэраг іншых афіцыйных асобаў. Усяго за некалькі дзён да пачатку Гульняў быў вымушаны звольніцца галоўны рэжысэр цырымоніі адкрыцьця, комік Кэнтара Кабаясі, бо ў інтэрнэце зьявіўся запіс яго выступу 1998 году, у якім ён жартуе на тэму Галакосту.
Паводле апытаньняў, большасьць жыхароў Японіі выступае супраць правядзеньня Алімпіяды ў такім становішчы. Ля алімпійскага стадыёна ў Токіё падчас цырымоніі адкрыцьця праходзіць акцыя пратэсту.
Opening ceremony minutes away. Anti Olympics protest right outside the National Stadium pic.twitter.com/siIN1FQxdM
— Selina Wang (@selinawangtv) July 23, 2021
Усяго ў спаборніцтвах возьмуць удзел каля 11 тысяч спартоўцаў, якія прадстаўляюць 204 нацыянальныя алімпійскія камітэты. Выступіць і зборная спартоўцаў-уцекачоў — пад алімпійскім сьцягам. Усяго будзе разыграна 339 камплектаў алімпійскіх узнагарод у 41 відзе спорту, у тым ліку новых алімпійскіх відах, такіх як каратэ, скалалажаньне і скейтборд.
На цырымонію адкрыцьця дапусьцілі каля 1000 чалавек, галоўным чынам высокапастаўленых прадстаўнікоў краін – удзельніц Гульняў. З сусьветных лідэраў, акрамя імпэратара Японіі Нарухіта, прысутнічае прэзыдэнт Францыі Эманюэль Макрон. ЗША прадстаўляе першая лэдзі Джыл Байдэн.