Крыніцы выданьня «Коммерсантъ» на фінансавым рынку тлумачаць гэта плянамі Mastercard спыніць разьвіцьцё брэнду ва ўсім сьвеце.
У Беларусі карты Maestro прапаноўваюцца ў рамках кабэйджынгавых праграм, на якія ў краіне прыпадае 10% картак, эмітаваных міжнароднымі аплатнымі сыстэмамі.
- Кабэйджынгавая карта — гэта банкаўская карта, якая выпускаецца адначасова ў дзьвюх аплатных сыстэмах. Яна можа дзейнічаць у абедзьвюх сыстэмах на аднолькавых умовах.
Карты Maestro маюць статус дэбетавых, або перадаплочаных, брэнд быў выведзены на рынак у 1990 годзе.
ГЛЯДЗІЦЕ ТАКСАМА: Каманда Латушкі заклікае Visa і MasterCard спыніць адносіны з банкамі, якія выплочваюць заробкі сілавікам. Камэнтар аналітыкаЯк высьветліў «Коммерсантъ», Mastercard прыйшла да высновы аб тым, што падтрымліваць на рынку адразу два брэнды досыць накладна, асабліва ў сытуацыі, калі другі брэнд не прыносіць вялікага прыбытку.
Акрамя таго, камісіі па картах Maestro нізкія, таму разьвіваць іх нявыгадна банкам. Як загана разглядаецца і тое, што картамі Maestro не расплочваюцца ў інтэрнэце, а плацежныя сыстэмы сёньня разьвіваюць акурат гэты кірунак.
Да гэтага часу актыўна выпускала карты Maestro плацежная сыстэма Белкарт. У 2020 годзе іх было выпушчана больш за 1,8 млн штук.
ГЛЯДЗІЦЕ ТАКСАМА: Мянчук прадстаўляўся міліцыянтам, каб забіраць у людзей грошы і карткі