Беларускі палітык зьвярнуўся да прадстаўнікоў польскіх гарадоў з шэрагам ініцыятыў.
Кіраўнік Нацыянальнага антыкрызіснага кіраўніцтва Павал Латушка прыняў удзел у сустрэчы Саюза Польскіх мэтраполій (UMP), на якой прысутнічалі прэзыдэнты 12 найбуйнейшых гарадоў Польшчы: Беластоку, Быдгашчы, Варшавы, Уроцлава, Гданьску, Жэшува, Катавіцаў, Кракава, Любліна, Лодзі, Познані і Шчэціна.
Павал Латушка зьвярнуўся з наступнымі ініцыятывамі:
- дапамога ў вырашэньні праблем доступу да дзіцячых садкоў і школаў для сем’яў беларусаў, якія зазналі рэпрэсіі;
- прадастаўленьне месцаў у санаторыях і базах адпачынку для пацярпелых ад рэжыму;
- арганізацыя ў муніцыпальных структурах гадзін прыёму для беларусаў, на працягу якіх будуць давацца перакладчыкі зь беларускай і расейскай моваў;
- вывешваньне гістарычных бел-чырвона-белых сьцягоў на вуліцах і ўстановах гарадоў, у тым ліку 9 жнiўня;
- правядзеньне шырокай інфармацыйнай кампаніі аб сытуацыі ў Беларусі і падтрымка ў рэгіянальных СМІ рэпрэсаваных журналістаў;
- прыпыненьне супрацоўніцтва зь беларускімі ВНУ, дзе рэпрэсуюць студэнтаў і выкладчыкаў, а таксама дапамога беларускім студэнтам;
- падтрымка стварэньня «Музэю Вольнай Беларусі» ў Варшаве;
- дапамога ў арганізацыі выступаў беларускіх артыстаў;
- падтрымка правядзеньня беларускага фэстывалю культуры ў Польшчы Tutaka, які пройдзе 6-7 жніўня.