«Гэта яшчэ больш узмоцніць напружанасьць і выразна нэгатыўна адаб’ецца на жыхарах Беларусі, пазбавіўшы іх магчымасьцяў, якія дае наша супрацоўніцтва», — напісаў Мішэль у сваім Твітэры.
Belarus has taken another step backwards today by suspending its participation in the Eastern Partnership. This will escalate tensions further and have a clear negative impact on the people of Belarus by depriving them of opportunities provided by our cooperation.
— Charles Michel (@eucopresident) June 28, 2021
У іншым твіце Мішэль напісаў, што «народ Беларусі можа разьлічваць на ЭЗ».
«Мы выступаем за вас салідарна і з практычнай падтрымкай. Мы нагадваем пра ваша права абраць прэзыдэнта на новых, свабодных і сумленных выбарах», — падкрэсьліў ён.
Зьвяртаючыся да «рэжыму прэзыдэнта Лукашэнкі», Мішэль заклікаў «паставіць будучыню Беларусі на першае месца».
To the people of Belarus: you can count on the EU. We stand by you in solidarity and with practical support. We recall your right to elect your president through new, free and fair elections.To the regime of president Lukashenka: put the future of Belarus first.
— Charles Michel (@eucopresident) June 28, 2021
«Эўразьвяз шкадуе аб рашэньні рэжыму Лукашэнкі прыпыніць свой удзел у праграме «Ўсходняга партнэрства». Гэтая праграма накіравана на ўмацаваньне адносін паміж Эўразьвязам і краінамі-партнэрамі», — заявіла прадстаўніца зьнешнепалітычнай службы ЭЗ Набіла Масралі, выказаўшы думку, што гэтае рашэньне «зьяўляецца дэманстрацыяй пагарды да беларускага народу».
Кіраўнік эўрапейскай дыпляматыі Жузэп Бурэль заявіў, што Эўразьвяз гатовы працягваць супрацоўніцтва зь беларускім народам.
«Нягледзячы на рашэньне рэжыму Лукашэнкі прыпыніць удзел Беларусі ва «Ўсходнім партнэрстве», мы гатовыя надалей працаваць зь беларускім народам, каб мацаваць сувязі, спрыяць рэгіянальнаму супрацоўніцтву і вырашаць супольныя задачы», — напісаў дыплямат у сваім Твітэры.
Despite the decision by the Lukashenko regime to suspend #Belarus participation in the #EasternPartnership, we are ready to continue working with the Belarusian people to strengthen the bonds, foster regional cooperation and tackle joint challenges.
— Josep Borrell Fontelles (@JosepBorrellF) June 28, 2021
28 чэрвеня МЗС Беларусі выклікаў кіраўніка Прадстаўніцтва Эўразьвязу ў Менску Дырка Шубэля і заявіў, сярод іншага, аб прыпыненьні свайго ўдзелу ва «Ўсходнім партнэрстве» і пачатку рэалізацыі працэдуры прыпыненьня дзеяньня Пагадненьня аб рэадмісіі з ЭЗ.
Праграма «Ўсходняга партнэрства» Эўразьвязу была запачаткаваная ў 2009 годзе. Яна ўключае ў сябе Армэнію, Азэрбайджан, Беларусь, Грузію, Малдову і Ўкраіну. Яе мэта — наблізіць гэтыя краіны да ЭЗ без канкрэтнай прапановы далучэньня.
ГЛЯДЗІЦЕ ТАКСАМА: Ціханоўская: Удзел ва «Ўсходнім партнэрстве» працягнецца ад імя новай Беларусі ГЛЯДЗІЦЕ ТАКСАМА: Літоўскі МЗС пра «контрасанкцыі» Беларусі: «Такія рашэньні незаконнымі кіраўнікамі не прымаюцца»