«У адпаведнасьці са сваімі саюзьніцкім абавязальніцтвамі і мэтамі пабудовы Саюзнай дзяржавы, Расея мае намер шчыльна каардынаваць з Беларусьсю меры, неабходныя для ўстойлівага і сувэрэннага разьвіцьця братэрскай нам краіны. Нашыя апанэнты і нядобразычліўцы ня здолеюць дасягнуць непрыстойныя мэты, якія яны перасьледуюць», — гаворыцца ў адказе Захаравай на пытаньне СМІ, распаўсюджаным сёньня.
Як адзначаецца ў дакумэнце, «чарговы санкцыйны выпад Рады ЭЗ варта разглядаць ва ўзаемасувязі з раней вылучаным эўраструктурамі „усёабдымным плянам эканамічнай падтрымкі дэмакратычнай Беларусі аб’ёмам у 3 мільярды эўра“. Расцэньваем яго як непрыкрытую спробу прамога ўмяшаньня ва ўнутраныя справы Беларусі, палітычнага подкупу тых сілаў, (прыкормленых у шэрагу сталіцаў Эўразьвязу), якія ў сваіх карысьлівых інтарэсах не пагрэбавалі б запускам у роднай краіне чарговай каляровай рэвалюцыі з катастрафічнымі наступствамі», — заявіла афіцыйная прадстаўніца МЗС РФ.
ГЛЯДЗІЦЕ ТАКСАМА: Эўразьвяз падоўжыў сэктаральныя санкцыі супраць расейскай эканомікі ГЛЯДЗІЦЕ ТАКСАМА: Маскоўскі суд адхіліў скаргу баксёра Кудзіна на экстрадыцыю ў Беларусь