Расейскія вайскоўцы адкрылі папераджальны агонь па курсе брытанскага эсьмінца «Дэфэндэр» паблізу анэксаванага Расеяй у 2014 годзе Крыму, інфармуе ВВС.
Расейскія самалёты-бамбавікі выкарысталі чатыры аскепкава-фугасныя авіябомбы, заявілі ў міністэрстве абароны Расеі. Эсьмінец зьмяніў курс.
Як паведамілі ў расейскім міністэрстве абароны, інцыдэнт адбыўся ў Чорным моры ў раёне мыса Фіялент. «Эсьмінец быў папярэджаны пра ўжываньне зброі ў выпадку парушэньня дзяржаўнай мяжы Расейскай Фэдэрацыі. На папярэджаньне не адрэагаваў», — гаворыцца ў заяве.
ГЛЯДЗІЦЕ ТАКСАМА: Шайгу: NATO адпрацоўвае маршруты апэратыўнага перакіданьня войскаў да межаў РФ і БеларусіЗ прычыны інцыдэнту ў міністэрства абароны Расеі быў выкліканы вайсковы аташэ Вялікабрытаніі ў Маскве.
У 12:06 і 12:08 пагранічны вартавы карабель выканаў папераджальную стральбу, а ў 00:19 самалёт Су-24М выканаў папераджальнае бамбакіданьне па курсе руху эсьмінца «Дэфэндэр», заявілі расійскія вайскоўцы.
Расейскія бамбавікі, як сьцьвярджаецца, выкарысталі чатыры аскепкава-фугасныя авіябомбы для стрыманьня дзеяньняў брытанскага карабля, удакладняецца ў паведамленьні.
ГЛЯДЗІЦЕ ТАКСАМА: Расея закрыла тры раёны Чорнага мора каля Крыму для замежных суднаў«У 12:23 сумеснымі дзеяньнямі Чарнаморскага флёту і памежнай службы ФСБ Расеі эсьмінец „Дефендер“ пакінуў межы тэрытарыяльнага мора Расейскай Фэдэрацыі», — сьцьвярджаюць у мінабароны Расеі.
Аднак міністэрства абароны Вялікабрытаніі заявіла, што ніякіх стрэлаў у бок эсьмінца, які рабіў рэйд праз украінскія тэрытарыяльныя воды ў адпаведнасьці зь міжнароным заканадаўствам, не было.
No warning shots have been fired at HMS Defender. The Royal Navy ship is conducting innocent passage through Ukrainian territorial waters in accordance with international law.
— Ministry of Defence Press Office (@DefenceHQPress) June 23, 2021
Міністар замежных справаў Украіны Дзьмітро Кулеба, у сваю чаргу, заявіў, што гэты інцыдэнт чарговы раз паказвае агрэсіўную і правакацыйную палітыку Расеі ў рэгіёне Чорнага мора.
A clear proof of Ukraine’s position: Russia’s aggressive and provocative actions in the Black and Azov seas, its occupation & militarization of Crimea pose a lasting threat to Ukraine and allies. We need a new quality of cooperation between Ukraine & NATO allies in the Black Sea. https://t.co/VjBPxRWU3d
— Dmytro Kuleba (@DmytroKuleba) June 23, 2021
14 чэрвеня Нацыянальны цэнтар кіраваньня абаронай Расеі паведаміў, што расейскі флёт пачаў адсочваць дзеяньні эсьмінца «Дэфэндэр» ВМС Вялікабрытаніі і фрэгата «Эвэртан» ВМС Нідэрляндаў, якія зайшлі ў акваторыю Чорнага мора.
ГЛЯДЗІЦЕ ТАКСАМА: Вялікая Брытанія ў траўні накіруе два караблі ў Чорнае мора дзеля падтрымкі ЎкраіныПрэс-служба Міністэрства абароны Ўкраіны ў сераду паведамляла, што на «Дэфэндэры» праводзілі сумесную трэніроўку байцы сіл спэцыяльных апэрацый Украіны, Вялікабрытаніі і ЗША. Яны адпрацоўвалі абардажным дзеяньні, заявілі ў міністэрстве.
З 28 чэрвеня па 10 ліпеня ў Чорным моры павінны прайсьці сумесныя вучэньні вайскоўцаў Украіны і NATO Sea Breeze.