На сёлетнім фэстывалі, які пройдзе ў расейскім Бранску, Украіны ня будзе. Але будзе прадстаўлена так званая «Данецкая Народная Рэспубліка», якую ўкраінскі парлямэнт прызнаў тэрарыстычнай арганізацыяй.
Дэпартамэнт культуры Бранскай вобласьці апублікаваў праграму мерапрыемстваў фэстывалю «Славянскае адзінства».
Мерапрыемствы пройдуць у асноўным у онлайн-фармаце. У іх возьмуць удзел установы культуры Расеі, Беларусі і так званай «ДНР».
ГЛЯДЗІЦЕ ТАКСАМА: «Пераступіў праз чырвоную лінію». Ва Ўкраіне патрабуюць завесьці крымінальную справу супраць ЛукашэнкіАдбудуцца абменныя онлайн-пастаноўкі спэктакляў Бранскага тэатру юнага гледача і Палаца мастацтваў Бабруйску, Магілёўскага тэатру драмы і камэдыі, а таксама Данецкага рэспубліканскага моладзевага тэатру (Макееўка).
Пройдуць тэлемасты з удзелам Горадзенскага тэатру лялек і Горлаўскага («ДНР») гарадзкога тэатру лялек.
Зь беларускага боку ўдзел возьмуць музэі, тэатры, бібліятэкі, архівы, установы адукацыі.
ГЛЯДЗІЦЕ ТАКСАМА: Лукашэнка ўжо ў руках Расеі, і гэта ягоны выбар. Інтэрвію з былым спэцпрадстаўніком ЗША па Ўкраіне25 чэрвеня абласное аддзяленьне агульнарасейскай грамадзкай арганізацыі «Асамблея народаў Расеі» правядзе «Тэлемост з народамі Беларусі».
Летась фэстываль праходзіў у памежных Клінцах (Расея). Ён быў прысьвечаны 75-годзьдзю перамогі ў Вялікай Айчыннай вайне і ў асноўным прайшоў у онлайн-фармаце.
«Упершыню мерапрыемства прайшло ў 1969 годзе ў якасьці сустрэчы памежных абласьцей — Бранскай, Гомельскай і Чарнігаўскай. Але і сёньня, калі прайшло больш за 50 гадоў, захоўваецца еднасьць трох славянскіх народаў, умацоўваецца сяброўства», — пісала выданьне з Клінцоў летась.
ГЛЯДЗІЦЕ ТАКСАМА: Ва Ўкраіне сьцьвярджаюць, што на вучэньнях «Захад-2021» будуць адпрацоўваць захоп некалькіх украінскіх гарадоў