Каціроўкі падаюць на фоне навінаў аб прыняцьці Эўрапейскім Зьвязам рашэньня аб новых санкцыях у дачыненьні афіцыйнага Менску, паведамляе Yahoo! Finance.
Тэставая аблігацыя 2030 абрынулася на 4 цэнты, што зьяўляецца найбуйнейшым падзеньнем з часоў скачку на сусьветным рынку з-за пандэміі COVID-19 у сакавіку мінулага году. Аблігацыі 2031 году, выпушчаныя ў чэрвені 2020, дасягнулі рэкорднага мінімуму, паказваюць дадзеныя Tradeweb.
Дзяржаўныя аблігацыі ў цьвёрдай валюце складаюць амаль траціну зьнешняга доўгу Беларусі ў 18,5 млрд. даляраў і маюць адносна нізкую нагрузку на ВУП.
ГЛЯДЗІЦЕ ТАКСАМА: Хто ў чацьвёртым пакеце санкцыяў Эўразьвязу. Поўны сьпісПадтрымка Расеі, як адзначае выданьне, забясьпечыла амартызацыю супраць геапалітычнай рэакцыі на выбары 2020 году і крывавага разгону акцый пратэсту. Аднак усё большае спадзяваньне Лукашэнкі на фінансаваньне з боку Масквы цягне пэўныя рызыкі для інвэстараў.
«Усё больш і больш інвэстараў будуць глядзець на адносіны паміж Расеяй і Беларусьсю, — сказаў Трыё Фам, фінансавы стратэг ING. — Чым больш Беларусь будзе ізалявана ад Захаду, тым больш будзе залежаць ад фінансавай падтрымкі з боку Расеі, і гэта будзе абумоўліваць цану на беларускія эўрааблігацыі».
ГЛЯДЗІЦЕ ТАКСАМА: Цэны на беларускія эўрабонды абрынуліся пасьля інцыдэнту з самалётам Ryanair ГЛЯДЗІЦЕ ТАКСАМА: Жыцьцё за паветранай заслонай: якія могуць быць наступствы?