Супраць 33-гадовай Вольгі Сінялёвай пачалі крымінальную справу за парушэньне раўнапраўя грамадзян (ар. 190 КК). Яна знаходзіцца пад падпіскай аб нявыезьдзе.
Вольга Сінялёва
Абвінавачванай, якая мае дваіх дзяцей, адно зь іх грудное, пагражае да 2 гадоў пазбаўленьня волі. Як раней паведаміла Генпракуратура, дамова найму жылога памяшканьня была падпісана летась 21 ліпеня на 2 гады. Пацярпелая памочніца пракурора «выконвала своечасова і ў поўным аб’ёме» свае абавязаньні ў дамове. Але арэндадаўца, паводле пракуратуры, «паддалася інфармацыйнаму ўзьдзеяньню Telegram-каналаў і іншых інтэрнэт-рэсурсаў» і запатрабавала ад Аліны Касьянчык вызваліць жылое памяшканьне.
Аліна Касьянчык удзельнічала ў працэсах у крымінальных справах супраць пратэстоўцаў. Яна была дзяржабвінаваўцай у справе журналістак «Белсату» Кацярыны Андрэевай і Дар’і Чульцовай, якіх за стрым з «плошчы Пераменаў» асудзілі на два гады калёніі. Таксама Касьянчык прадстаўляла абвінавачаньне ў справе аб надпісах «Не забудзем» каля месца гібелі Аляксандра Тарайкоўскага.
Пацярпелая Аліна Касьянчык зьявілася ў суд.
Разам з Касьянчык на суд прыйшла пракурор Валерыя Таратынка
ГЛЯДЗІЦЕ ТАКСАМА: Інтэлектуальны клюб, фота з Лукашэнкам, палітычныя працэсы. Гісторыя старшай памочніцы пракурора Валерыі Таратынкі ГЛЯДЗІЦЕ ТАКСАМА: «Заўсёды была за справядлівасьць». Аднаклясьнікі пра Аліну Касьянчык, абвінаваўцу на палітычных працэсах ГЛЯДЗІЦЕ ТАКСАМА: «Мне прапанавалі: „Заўтра давай усім па 15 сутак“». Шчыры аповед былога судзьдзі, які адмовіўся судзіць пратэстоўцаў ГЛЯДЗІЦЕ ТАКСАМА: Мянчанцы пагражае 2 гады турмы, бо перадумала здаваць кватэру дзяржабвінаваўцы Аліне Касьянчык