Адвакат Антон Гашынскі са слоў Ягора Дуднікава расказаў падрабязнасьці яго затрыманьня і далейшага лёсу «Новой газете».
...Працаваў ГУБАЗ, не шкадуючы рук, — білі нагамі і рукамі пры затрыманьні. Крычалі: «Поскудзь, дабегаўся?» У мяне ўсё ў вачах пацямнела...
[Cупрацоўнікі КДБ] сказалі, што я — Злойбэт (гэта імя карыстальніка ў тэлеграм-канале «Отряды гражданской самообороны Беларуси» — РС).
Наступствамі затрыманьня сталі сінякі і расколаты зуб.
Мне сказалі, што я заклікаў людзей да гвалту ў дачыненьні да супрацоўнікаў праваахоўных органаў, ... што я агучваў відэаролікі, якія потым разьмяшчаліся на ютуб-канале Ботогсб /партизанскийбот" (такога каналу ў YouTube не існуе. У тэлеграм-канале ОГСБ ёсьць боты з падобнымі назвамі, магчыма, гаворка пра іх — РС).
Мяне два разы ўдарылі нагой у вобласьць грудзі і пасьля гэтага завялі панятых. Пачаўся вобшук.
Пасьля вобшуку ... у машыне закінулі на задняе сядзеньне, рукі ўвесь час былі ў кайданках.
Сказалі, што паедуць закопваць мяне. «Саджаць бульбу», — так пажартаваў адзін зь іх.
Мяне білі, бо я віну не прызнаваў. Білі жорстка.
[У КДБ] сказалі, што калі я буду вырабляцца, то павязуць у аддзяленьне АМАПу, і тады мне прыпомняць усе мае словы (у агучаных роліках). Я моцна спалохаўся, бо ведаю, што рабіў АМАП у жніўні 2020 году.
А гадзіне ночы пачаўся відэадопыт без адваката, дзе мне далі тэкст, які я зачытаў. ...Я баяўся і казаў тое, што ім трэба.
Яны прынесьлі гіру 32 кг і паставілі каля мяне.
ГЛЯДЗІЦЕ ТАКСАМА: «Могуць зьнявечыць чалавеку жыцьцё за малюнак, за майку». У Беларусі арыштавалі 20-гадовага расейца, які агучваў анімэЯны запатрабавалі даць доступ да тэлефонаў, да сваіх акаўнтаў у сацсетках і тэлеграме. Я падпарадкаваўся, згадваючы важкія ўдары нагамі ў грудзі за адмову.
Потым мне дазволілі паспаць на крэсьле. Я прыхіліўся да халоднага сэйфа і падрамаў.
Каля 11 гадзіны мне прынесьлі аркушы паперы, асадку і сказалі пісаць яўку з павіннай.
Сказалі, што калі не напішу, то мяне прызнаюць тэрарыстам і згнояць у турме, я ня ўбачу маму, сваю дзяўчыну. А калі напішу, то дэпартуюць у Расею, і я ўсё забуду, як страшны сон.
Яны казалі, што калі я ня буду ісьці на кантакт, прыедуць да маёй дзяўчыны, і мала ёй не падасца.
ГЛЯДЗІЦЕ ТАКСАМА: Лукашэнка заявіў, што не аддасьць Соф’ю Сапегу для суду ў Расеі[У СІЗА КДБ] допыты здымалі на відэа, дзе я ўжо паўтараў завучаны тэкст.
25 траўня ... далі загадзя падрыхтаваныя адказы на пытаньні тэлевізійнікаў з АНТ. Далі час вывучыць адказы — і 28 траўня прыехалі людзі з тэлеканала АНТ і зрабілі запіс. Прасілі сказаць так: «Я, Дуднікаў Ягор, вядомы як Злойбэт. Вы лохі, балаболы, я расчараваны ў вас і я супрацоўнічаю са сьледзтвам».
У СІЗА КДБ я сядзеў зь Віктарам Бабарыкам і Рыгорам Кастусёвым... Адносіны з сукамэрнікамі добрыя, сталі яны мне ледзьве не дзядулямі, падвучыў беларускую мову.
ГЛЯДЗІЦЕ ТАКСАМА: «Павезьлі, не сказалі куды». Аповед маці і адваката 20-гадовага расейца, арыштаванага ў Менску за агучваньне апазыцыйных ролікаў