Прыхільнікі пераменаў у Беларусі абвесьцілі новы флэшмоб у рамках руху #КолерСупрацьЦемры.
«У той час, як увесь цывілізаваны сьвет „палошча“ дыктатуру за яе злачынствы — ужо ня толькі супраць беларусаў, а і супраць грамадзян іншых краін — прапануем зладзіць ёй „вялікае мыцьцё“ у самой Беларусі! — гаворыцца ў звароце Народнага антыкрызіснага кіраўніцтва. — Цягам тыдня вывешвайце на бальконах і ў дварах белую пасьцельную бялізну і белую вопратку. Здымаць рэчы пасьля таго, як яны высахнуць, не абавязкова — хай іх убачыць як мага больш людзей».
ГЛЯДЗІЦЕ ТАКСАМА: Штабы Ціханоўскай і Латушкі абвясьцілі акцыю «Колер супраць цемры». ВІДЭАЗдымкамі свайго ўдзелу ў руху #КолерСупрацьЦемры можна дзяліцца ў сацыяльных сетках з адпаведным тэгам.
Ініцыятары абяцаюць запускаць новы флэшмоб штодыдня. Сачыць за навінамі трэба на сайце NashKoler.com.
ГЛЯДЗІЦЕ ТАКСАМА: Журналістку Капітонаву, якая асьвятляла акцыю жанчын у белым ля Камароўкі, арыштавалі на 10 сутакПадтрымаць рух можна і іншымі спосабамі:
- апранацца ў белае па выходных і шточацьвер
- замяніць фота профілю ў сацсетках на белую карцінку або фота ў белым адзеньні
- рабіць тэматычныя публікацыі ў сваёй стужцы, суправаджаючы іх тэгам #КолерСупрацьЦемры.