Сёньня ў Брусэлі пачаў працу двухдзённы саміт Эўрапейскага зьвязу, на якім прынялі рэзалюцыю ў справе Беларусі.
ГЛЯДЗІЦЕ ТАКСАМА: Саміт Эўразьвязу запатрабаваў новых эканамічных санкцый супраць уладаў Беларусі і забароны палётаўБеларускія ўлады сёньня заявілі, што паведамленьне пра бомбу на борце самалёта Ryanair прыйшло па электроннай пошце ад «салдатаў ХАМАСу». ХАМАС адмовіў сваю датычнасьць да інцыдэнту.
ГЛЯДЗІЦЕ ТАКСАМА: ХАМАС зьняпраўдзіў датычнасьць да інцыдэнту з самалётам, які ляцеў над БеларусьсюКіраўнік кампаніі Ryanair Майкл О’Ліры назваў інцыдэнт з самалётам «актам фундаванага дзяржавай пірацтва».
ГЛЯДЗІЦЕ ТАКСАМА: Ryanair пра інцыдэнт у Беларусі: гэта авіяцыйнае пірацтва, фактам займаюцца агенцтвы бясьпекі ЭЗ і NATOЯўгенія Чарняўская, дачка памерлага заснавальніка парталу Tut.by Юрыя Зісера і зьмешчанай цяпер пад хатні арышт Юліі Чарняўскай, паведаміла, што ў яе арыштавалі беларускія рахункі. Сама яна зь сям'ёй жыве ў Ізраілі.
ГЛЯДЗІЦЕ ТАКСАМА: Дачка Юрыя Зісера паведаміла пра блякаваньне ў Беларусі яе банкаўскіх рахункаўНадзвычайнаму і паўнамоцнаму амбасадару Латвіі ў Беларусі Эйнарсу Сэманісу запрапанавана на працягу сутак пакінуць Менск. Такая была рэакцыя беларускіх уладаў на тое, што мэр Рыгі замяніў на адной з плошчаў гораду чырвона-зялёны сьцяг РБ на бел-чырвона-белы.
ГЛЯДЗІЦЕ ТАКСАМА: Зь Беларусі высылаюць амбасадара Латвіі і дыпляматаў, Латвія адказала сымэтрычнаПрэзыдэнт Украіны Ўладзімір Зяленскі даручыў прэм’ер-міністру Ўкраіны Дзянісу Шмыгалю распрацаваць рашэньне аб спыненьні прамых авіяцыйных зносін зь Беларусьсю.
ГЛЯДЗІЦЕ ТАКСАМА: Прэзыдэнт Украіны даручыў спыніць авіязносіны зь БеларусьсюМіністар транспарту Вялікабрытаніі Грант Шапс адклікаў дазвол на палёты ў краіну, які дзейнічаў для беларускай авіякампаніі «Белавія» і чартэрных перавозчыкаў зь Беларусі.
ГЛЯДЗІЦЕ ТАКСАМА: Авіякампаніі «Белавія» забаранілі лётаць у Вялікабрытанію