Раніцай 6 траўня правяральнікі Дзяржстандарту прыйшлі да дызайнэраў Honar, якія ствараюць і прадаюць адзеньне з нацыянальным калярытам, паведаміў Onliner.
«Пакуль нічога актыўнага не адбываецца, да нас прыйшоў Дзяржстандарт. Папрасілі дакумэнты, частку тэрмінова, частку — цягам некалькіх дзён мне трэба падаць. Будуць выбіраць адзеньне на праверку адпаведнасьці стандартам. Сказалі, што гэта «ня іхная ініцыятыва». А чыя — не сказалі. Нават ня ведаю, што магло даць нагоду. Можа, беларуская мова? У мяне толькі здагадкі», — сказаў заснавальнік кампаніі Павал Доўнар.
Ён паведаміў, што такая праверка ў іх першы раз за год. Яна будзе доўжыцца да канца месяца. Кампанія зьбіраецца раіцца зь юрыстамі, каб вызначыцца з стаўленьнем да дзеяньняў Дзяржстандарту.
У сьнежні Павал Доўнар расказаў Свабодзе, што ягонай сямʼі пагражаюць статусам «сацыяльна небясьпечнай», як ён мяркуе, з палітычных прычынаў.
ГЛЯДЗІЦЕ ТАКСАМА: Сям’і заснавальнікаў брэнду адзеньня «Honar» пагражаюць статусам «сацыяльна небясьпечнай» ГЛЯДЗІЦЕ ТАКСАМА: Дзясяткі кавярняў, усе крамы нацыянальнай атрыбутыкі. Гэтыя месцы перасталі існаваць пасьля выбараў ГЛЯДЗІЦЕ ТАКСАМА: «Адразу згадваюцца часы інквізыцыі». Што адбываецца вакол кнігі «Беларуская нацыянальная ідэя»?